健康养生篇
一夜勿睏，十夜勿醒
千补万补，勿如饭补
千层单，勿及一层破棉爿
气气闷闷生毛病，嘻嘻哈哈添寿命
三分治疗，七分调理
头顶风，暖烘烘，脚顶风，请郎中
早睏早起身，好比吃人参
多吃半夜饭，少吃年夜饭
一顿吃伤，十顿喝汤
烂饭厚米粥，吃煞勿长肉
咳嗽无痰，毛病真难
耳朵勿挖勿聋，脑子常用常新
笑一笑，十年少；愁一愁，十年老
蹗得早，身体好
只要上身穿得暖，勿怕下身冻拖卵
牙痛勿是病，痛起来要侬命
三天不吃青，肚里冒火星
开门见竹，一世吃粥
冬吃萝卜夏吃姜，少请医生开药方
热饭冷水淘，爷做郎中看勿好
出门在外，少酒多菜
若要小囡安，常带三分饥与寒
宁吃四两，勿吃半斤
心里怄僽，圈子兜兜
早起动动腰，一天少疲劳
廿岁勿发，三十勿长
船到江心难补漏，病入膏肓难挽救
树从根老，人从心老
吃得邋遢，做得菩萨
千保健，万保健，心态平衡是关键
房宽地宽，不如心宽
刀闲生锈，人闲生病
千年王八万年龟，身体健康第一位
农谚篇
三百六十行，种田第一行
人误地一时，地误人一年
六月里厢晒得黑，十二月里有得吃
花要高低，稻要平
猪多肥多，肥多粮多
人靠饭饱，田靠肥足
庄稼一枝花，全靠肥当家
天浪呒没饿煞鸟，地浪呒没饿煞人
寒天麦要踏，春天包侬发
种田勿要问，深耕多上粪
落脱黄金有处弄，错过季节勿饶人
麦稀勿要忧，麦猛呒没收
三分种，七分管
灶头没柴难烧饭，田里没肥难增产
花靠锄头，稻靠拳头
小囡没奶不胖，庄稼没肥不壮
种田无诀窍，猪塮红花草
衙门钿，一蓬烟；生意钿，三十年；种田钿，万万年
干部逗田头，群众有盼头
亲情友情篇
乡下小夫妻，步步勿脱离
出门三里，勿如屋里
吃尽滋味盐好，走尽天边娘好
会做媳妇两面瞒，勿会做媳妇两面传
花好稻好，娘好囡好
种田勿着一年荒，倪子勿好一世苦
三代勿出舅家门
廿年媳妇廿年婆，再过廿年做太婆
在家靠父母，出门靠朋友
娘讲囡好勿算好，婆夸媳妇才算好
拳头朝外打，臂膀朝里弯
倪子好，勿算好；媳妇好，真正好
教儿只讲好，后患不会少
阿姨妹妹半只屁股
棒头浪出孝子，筷子浪出逆子
送佛到西天，帮人帮到底
嫁出女儿泼出水
生出来格志气，教出来格臭屁
公要馄饨婆要面，一手难挡两堵壁
若要好，老做小
兄弟一条心，烂泥变黄金
家有一老，赛有一宝
爷有娘有，勿如自家有
男大三，金银山
金窝银窝，勿如屋里只草窝
邻居好，赛金宝
勿来勿去路勿通，来来去去两面穷
娘家的饭香，婆家的饭长
天大地大勿及父母恩大
当家方知柴米贵，养儿方知父母恩
生活劝谕篇
雨落勿登高墩，穷人勿攀高亲
千凶万凶，勿理最凶
酒肉朋友，没钱分手
侬烧火，吾拾柴，巴巴节节做人家
人比人，气煞人
烧饭要有米，说话要有理
满碗饭好吃，满口话难讲
青菜萝卜，各有所爱
老鬼勿脱手，脱手勿老鬼
千做万做，蚀本生意勿做
三十三，乱刀斩
会捉老虫猫勿叫，会得看门狗勿跳
小小秤砣压千斤
一人勿进庙，二人勿看井
家火勿起，野火勿来
人争一口气，佛争一株香
冷拉风里，穷拉债里
男有心，女有心，铜墻铁壁钻勿进
有借有还，再借勿难
勿做中人勿做保，一生一世没烦劳
人要脸面树要皮
条款犯得足，死仔没人哭
六十勿放债，七十勿过夜
日里勿做亏心事，半夜敲门心勿惊
瓜酥一夜，人老一年
算来团团转，剩个冬瓜圈
锡里镶铅勿是银
倒插杨柳勿生根，入舍女婿勿是人
滴水成河，粒米成萝
一岁看八岁，八岁定终身
吃实惠，着威风，嫖脱空，赌对冲，烟送终
男做女工，越做越穷
外婆传娘娘传囡，传到后来零零碎
人命勿，一世白黠诈
千黠诈，万黠诈，踏板头浪有勿得三双小囡鞋
手里没钿活死人
船到桥头自会直
冷粥冷饭好吃，冷言冷语难熬
坐得正，立得稳，勿怕和尚尼姑合板凳
催工勿催饭，赤污勿好喊
走尽天边，勿及浦江两边
有理走遍天下，没理寸步难行
树老节疤多，人老心思多
送佛送到天边，摆渡摆到江边
树老根须多，人老见识多
饿煞勿吃借来食
花没百日红，人没千日好
马屁拍足，苦头吃足
斧头吃凿子，凿子吃木头
瓶嘴盖得住，人嘴扎勿牢
越睏越懒，越吃越馋
歪嘴和尚念勿出好经来
相打没好拳，相骂没好言
刀切豆腐两面光
穷勿嫁，富勿要，弄到最后没人要
人生路勿熟，随处叫叔叔
死要面子活受罪
勿懂装懂，一世饭桶
闷声勿响大发财
要敲当面锣，勿敲背后鼓
坍仔和尚坍仔庙
听人千万遍，勿如自家看一遍
矮人肚里疙瘩多
命里犯拉煨行灶，走尽天边吹火筒
阎王好弄，小鬼难缠
南京到北京，爷叔伯伯叫勿停
家花哪有野花香，可惜野花不久长
篱笆扎得紧，野狗钻勿进
勿到黄河心勿死，到了黄河落眼泪
猪睏长肉，人睏卖屋
铜打肩胛铁打腰，做死做煞勿叫饶
粳里勿着糯里着，东头勿着西头着
做一样要像一样，吃豆腐皮去拉两声
蜡烛勿点勿亮，闲话勿讲勿明
人间万象篇
三只胡羊六道跑
和尚乖做乖，要帮尼姑拎草鞋
人面浪人话，鬼面浪鬼话
急惊风碰着慢郎中
脱底棺材烂污坯
人心餍勿足，汗毛根根曲
麻将打雄，越小越凶
千拣万拣，拣拉麻子瞎眼
面浪勿响，肚里开枪
大吵三六九，小吵日日有
牛吃稻柴鸭吃谷，各人生拉各人福
大懒差小懒
毛头姑娘十八变，临时上轿变三变
吃仔对门谢隔壁
小囡相打，大人出场
烧香赶出和尚
跟着和尚卖篦箕
日里没工夫，夜里唱山歌
贪嘴怕面光
日里闲游荡，夜里煨灯浪
走是强盗来是贼
只想吃喜酒，勿想送人情
叫花子熬勿得槽篮头
鼻头勿对人中
木匠屋里脱凳脚，裁缝师傅脱钮襻
鳗鲡死拉汤罐里
落苏挑软的捏，黄瓜拣嫩的吃
哭出无赖笑嘻嘻
开过药店打过铁，样样生意侪好歇
好心没好报，良心被狗咬
老是面皮，饱是肚皮
夹忙头里髈牵筋
三六九，拉现钞
宜兴夜壶好只嘴
文勿像拆字，武勿像卖拳
成板猪油猫拖起，苍蝇头浪剥猪油
若要俏，冻得硬翘翘
男追女，隔座山；女追男，隔层纸
赤仔烂污当兵去
帮人帮只活死狗，反过来头咬一口
临时抱佛脚，越抱越蹩脚
乱拳打煞老师傅
屋里欺欺大娘子，外头欺欺叫花子
莳梅格日头，后娘格拳头
吃家饭，赤野污
幽默调侃篇
十八只蟑螂一筅帚
十二月二十八，没得办法
七嘴八搭，锄头铁搭
走夜路子吹口哨
小囡赤屁，百无禁忌
冬瓜搭拉茄门浪
只要羊卵子，勿顾羊性命
正月半夜敲锣鼓，勿晓得㑚爷苦勿过
勿是猴相，肉麻油酱
罗汉请弥陀，客少主人多
老虫跌米甏，小狗落污缸
头勿拉颈浪，脚勿拉膀浪
麻子塌粉，蚀煞老本
老鼠勿留隔夜食
粥半夜，面黄昏，吃仔馄饨来勿及关房门
鼻头勿对人中
白龙港，黑龙江，讲讲呒啥讲
蛐蟮修成龙
勿像爷勿像娘，像个隔壁张木匠
赤脚着皮鞋，赤膊戴领带
抱仔小囡寻小囡
捉着鳗鲡葱管细，逃脱鳗鲡臂膀粗
螺蛳壳里做道场
眉毛会得说话，脚节会得掐卦
烧鸡肚，荒年自吃苦
强盗碰着贼爷爷
蛤端相打，满头泥浆
烧香望和尚，一事两顾当
眼睛一眨，老婆鸡变鸭
撸撸小囡头，明朝旺日头
鸭棚里爬勿出曲蟮来
吃素碰着月大
卖油叮嘱卖蛋，油瓶酱罐一侪敲碎
眼睛像矆睒，筷头像雨点
新剃头，勿打三记触霉头
鞋有样，袜有样，先要生得脚有样
救仔田鸡饿煞仔蛇
新排坑缸三日香，过了三日臭甏甏
黄牛角，水牛角，大家各管各
敲锣卖糖，各干一行
卵浪剐鳗鲡，剐着一眼是一眼
落雨独怕亮，死人独怕硬
白吃白壮，养拉个倪子开典当
